Dallas Mavericks tryggðu sér NBA-meistaratitilinn í körfuknattleik, í gærkvöldi, í fyrsta skipti. Þeir sigruðu Miami Heat á útivelli, 105:95, í sjötta úrslitaleik liðanna. Úrslitaeinvígi liðanna fór því 4-2.

Dallas var yfir eftir fyrsta leikhluta, 32-27, og í hálfleik, 53-51. Úrslitin voru ráðin á lokamínútunni þegar Dallas var komst í 105-92, eftir að hafa verið með 8 til 12 stiga forskot eftir þriðja leikhluta. Dallas liðið sýndi frábæra liðsheild í leiknum í gær og mikla einbeitningu. Þjóðverjinn Dirk Nowitzki var með 21 stig og 11 fráköst og var án efa maður leiksins.

Lið Miami náði sér aldrei á strik í einvíginu. LeBrown James skoraði 21 stig í leiknum fyrir Miami, en það dugði ekki til.