Eftir ótrúlegan lokasprett í fjórða leikhluta náðu Lebron James og félagar í Miami Heat að vinna upp forystu Chicago Bulls í fimmta leik liðanna í úrslitum vesturstrandarinnar.

Bulls voru tólf stigum yfir þegar 3 mínútur og 14 sekúndur voru eftir af leiknum. Lebron James tók leikinn í sínar hendur og leiddi sína menn til 83-80 sigurs.

James skoraði 28 stig í leiknum fyrir Miami, Chris Bosh 20 og Dwyane Wade 21 og skoruðu þessir þrír því öll nema 14 stig liðsins í leiknum.

Miami-menn mæta því Dirk Nowitzki og félögum í Dallas Mavericks í úrslitunum. Sömu lið mættust einmitt árið 2006 þegar Miami vann sinn fyrsta NBA-meistaratitil í sögu félagsins.

Sjáðu brot af því besta úr leiknum hér.