Dallas Mavericks er komið í úrslit NBA-deildarinnar eftir 100-96 sigur á Oklahoma City Thunder í nótt. Dirk Nowitzki og Shawn Marion skoruðu 26 stig hvor fyrir Dallas í leiknum og fóru fyrir liðinu er það komst í annað skipti í úrslit NBA í sögu félagsins.

Dallas liðið er gríðarlega sterkt þessa dagana og nú á bara eftir að ráðast hvaða lið úr austurdeildinni mætir þeim í úrslitunum. Miami Heat-menn eru líklegir enda með 3-1 forystu í einvíginu gegn Chicago Bulls.

Ungt og efnilegt lið Oklahoma City Thunder kemur hins vegar reynslunni ríkara til leiks á næstu leiktíð eftir frábæra frammistöðu á tímabilinu og úrslitakeppninni. Liðið átti hreinlega aldrei séns í Dallas í seríunni.

Dallas komst síðast í úrslitin árið 2006 en tapaði þá fyrir Miami Heat með Dwyane Wade og Shaquille O'Neal fararbroddi. Dirk Nowitzki og Jason Terry eru einu leikmennirnir sem eftir eru í Dallas frá þeim tíma og vilja eflaust hefna ófaranna fyrir 5 árum.

Tilþrifin úr leiknum á vef NBA.com.