Oklahoma City Thunder unnu mikilvægan sigur í öðrum leik liðsins í úrslitarimmu Vesturdeildarinnar í NBA gegn Dallas. Mavericks unnu fyrsta leikinn eftir frábæra frammistöðu Dirk Nowitzki en liðin mættust aftur í Dallas í nótt í hörkuleik.

Jafnt var á með liðunum allan leikinn. Dallas byrjaði betur og var með forystu í fyrsta leikhlutanum. Síðustu þrjá leikhlutana skiptust liðin á forystunni en Thunder náði að lokum að knýja fram mikilvægan útivallarsigur.

Kevin Durant átti góðan leik fyrir Thunder og var stigahæstur með 24 stig. James Harden kom af bekknum og skoraði 23 stig og Russell Westbrook setti 18.

Hjá Dallas var Dirk Nowitzki að venju stigahæstur með 29 stig. Tyson Chandler skoraði 15 og tók 13 fráköst og Jason Kidd skoraði 13, gaf 7 stoðsendingar og tók 5 fráköst.

Tilþrifin úr leiknum má sjá hér.