Sigurður Már Atlason og Sara Rós Jakobsdóttir, frá Dansíþróttafélagi Hafnarfjarðar, enduðu í 21. sæti á Evrópumeistaramóti IDSF í 10 dönsum sem fram fór í Moskvu í Rússlandi á laugardag.

Sigurvegarar á mótinu voru Timur Imametdinov og Ekaterina Nikolaeva frá Rússlandi og í öðru sæti voru Bjorn Bitsch og Ashli Williamson frá Danmörku.

Sigurður og Sara voru eina parið frá Íslandi á mótinu, en hvert land má aðeins senda eitt par. Þau unnu sér rétt til þátttöku á mótinu á síðasta Íslandsmeistaramóti en þau sigruðu það mót.