Sigurður Þór Sigurðsson og Hanna Rún Óladóttir, frá Dansíþróttafélagi Kópavogs, enduðu í 16. sæti á Evrópumeistaramóti IDSF, alþjóða dansíþróttasambandsins, í suður-amerískum samkvæmisdönsum sem fram fór í Marseille í Frakklandi í kvöld.

Auk þeirra Sigurðar og Hönnu á mótinu voru Jón Eyþór Gottskálksson og Denise Margrét Yaghi, frá Dansíþróttafélagi Hafnarfjarðar, sem höfnuðu í 62. sæti. Níels Einarsson danskennari var meðal dómara á mótinu en hann er fyrsti íslenski dómarinn til að dæma Evrópumeistaramót á vegum IDSF.

Bæði pörin tryggðu sér fyrr á árinu rétt til þátttöku á heimsmeistaramóti IDSF í suður-amerískum dönsum en það fer fram í Singapore 10. september næstkomandi. Keppnisréttin tryggðu þau sér á Íslandsmeistaramótinu í suður-amerískum dönsum en þar sigruðu Sigurður og Hanna og Jón Eyþór og Denise í öðru sæti.

Sigurður og Hanna dansa Cha cha cha í 2. umferð mótsins: