Mercedes hefur ekki útilokað að framlengja samning sinn við Michael Schumacher haustið 2012 þegar þriggja ára samningi hans lýkur.

Norbert Haug, einn yfirmanna liðsins, segir það vel geta gerst að Schumacher aki fyrir liðið tímabilið 2013 en þá verður hann orðinn 44 ára.

„Ef Michael vill halda áfram að keyra og við komumst að samkomulagi um laun þá er ég meira en til í að halda honum. Michael lítur virkilega vel út þessa dagana,“ segir Norbert Haug.

Endurkoma Schumacher á síðasta tímabili ollu töluverðum vonbrigðum en hann endaði í tíunda sæti stigakeppninnar og komst meira í fréttirnar fyrir háskaakstur en flott tilþrif.