Aðdáendur skíðaíþróttarinnar geta verið sáttir í dag þar sem víða er ágætis skíðafæri.

Í dag verður opið í Bláfjöllum frá kl. 10 til 21 í kvöld. Þar er veðurspáin slæm seinnipartinn og því gæti þurft að loka á bilinu frá kl. 17-19 vegna mikils vinds. Gríðarleg aðsókn var að skíðasvæðinu í gær og þurfti fólk að bíða í löngum röðum til að kaupa aðgang að lyftunum jafnvel í rúman klukkutíma.

Skíðasvæðið í Tindastóll verður opið frá klukkan tólf til fjögur í dag, þar er mikill og góður snjór, hægviðri og tæplega 10 gráðu frost og stjörnubjartur himinn.
Opið er í Böggvisstaðarfjalli á Dalvík frá kl. 12 til 16. Þar er fínt veður og færi. Skíðasvæðið í Hlíðarfjalli við Akureyri er opið frá klukkan tíu til sjö í dag og er ágætis skíðafæri þar.