Útherjinn Joe Adams mun seint gleyma snertimarkinu sem hann skoraði fyrir sitt lið, Arkansas Razorbacks, í háskólaruðningnum um helgina. Adams skilaði sparki frá hinu liðinu alla leið í mark eftir hreint ótrúleg tilþrif.

Það þykir ekki saga til næsta bæjar að sparki frá öðru liðinu sé skilað alla leið í endamarkið en að leika á níu andstæðinga í einu á svona litlu svæði er ekkert annað en magnað.

Snertimarkið kom Arkansas í 14-0 gegn Tennesse en Joe Adams og félagar höfðu á endanum auðveldan sigur, 49-7.