Knattspyrnustjóri West Ham vill fá Eið Smára Guðjohnsen til liðsins. Avram Grant vonast til að fá hann lausan undan samningi frá Stoke City þar sem hann hefur lítið fengið að spreyta sig. Knattspyrnustjóri Tottenham, Harry Redknapp, segist eiga í viðræðum við eigendur LA Galaxy um að fá David Beckham að láni. Beckham er sagður vilja leika fyrir Tottenham en hann hóf feril sinn í ensku úrvalsdeildinni hjá Manchester United og varð með þeim Englands- og Evrópumeistari.