„Við spiluðum vel varnarlega og héldum hreinu í níutíu mínútur en því miður dugði það ekki í dag,“ sagði sársvekktur Ólafur Jóhannesson, landsliðsþjálfari, í viðtali við Guðmund Benediktsson á Stöð 2 Sport eftir tap Íslands gegn Dönum, 1-0, á Parken í kvöld.

Íslendingar léku vel í leiknum og börðust grimmilega en mark Thomas Kahlenberg á fyrstu mínútu í uppbótartíma skildi liðin að.

„Ég sagði við strákana inn í klefa að við ættum að bera höfuðið hátt. Við spiluðum frábærlega, héldum góðu skipulagi og allir lögðu sig hundrað prósent fram í leikinn. Í flestum tilfellum myndi þetta duga,“ sagði Ólafur og bætti við að nú kæmi ekkert til greina nema sigur gegn Portúgal í október.