„Barcelona gerði allt sem það gat til að landa mér en Arsenal sagði mér að ég þyrfti að vera áfram,“ segir Cesc Fabregas, fyrirliði Arsenal.

Félagaskiptasaga sumarsins var sú að Barcelona ætlaði sér spænska landsliðsmanninn en Arsenal-menn gerðu hvað þeir gátu til þess að halda honum og á endanum tókst það.

„Arsenal sagði mér að það væri ekki möguleiki að ég fengi að fara. Á endanum varð ég að vera áfram en hvað fór á milli mín og Arsenes Wenger verður á milli okkar,“ segir Fabregas í breskum fjölmiðlum.