Arsene Wenger, knattspyrnustjóri enska liðsins Arsenal, hrósaði danska sóknarmanni liðsins Nicklas Bendtner eftir fimm marka sigur liðsins á Porto í sextán liða úrslitum Meistaradeildar Evrópu í kvöld. Bendtner skoraði þrennu í 5-0 sigri Arsenal

Arsenal tapaði fyrri leik liðana 2-1 en sýndu það og sönnuðu að þeir væru mun sterkari en Porto í kvöld. Bendtner hefur átt í vandræðum með að skora fyrir Arsenal upp á síðkastið en Wenger hrósaði honum fyrir að missa aldrei trúna á sjálfum sér.

,,Nicklas hefur ekki misst sjálfstraustið, það hefur haldist nokkuð stöðugt hjá honum. Hann náði sér á strik í leiknum með góðri einbeitingu og trú, sem eru styrkleikara hans," sagði Wenger um Bendtner eftir leikinn.