Portúgalski markvörðuinn Hilario hjá Chelsea er kominn á sjúkralistann eftir að hafa tognað á innanlærisvöðva í sigurleiknum gegn Stoke um síðustu helgi. Það mun því væntanlega koma í hlut nýliðans Ross Turnbull að standa á milli stanganna í leiknum mikilvæga gegn Inter á þriðjudagskvöldið.

Petr Cech er enn að jafna sig eftir að hafa meiðst á kálfa í fyrri leik Chelsea og Inter í Meistaradeild Evrópu. Síðan þá hefur Hilario staðið á milli stanganna en hann átti afleitan leik þegar Chelsea tapaði á heimavelli fyrir Manchester City.

Chelsea leikur á morgun gegn West Ham í ensku úrvalsdeildinni og er talið að Turnbull, sem kom óvænt til Chelsea-liðsins í sumar, verði í markinu og Rhys Taylor verði á varamannabekknum.

Góðu fréttirnar fyrir stuðningsmenn Chelsea eru þó þær að Petr Cech er á batavegi og er jafnvel búist við því að hann verði orðinn leikfær um næstu helgi. Michael Essien, Ashley Cole og Jose Bosingwa eru þó allir meiddir auk Ricardo Carvalho sem leikur ekki gegn West Ham á morgun.