Golfíþróttin varð af einum litríkasta og skemmtilegasta kylfingi sínum í gær er Bandaríkjamaðurinn John Daly tilkynnti að hann væri hættur að keppa í golfi. Daly gaf þetta út eftir að hann náði ekki í gegnum niðurskurð á Torrey Pines-vellinum í gær. „Ég er búinn. Ég get ekki keppt. Ég get ekki leikið eins og ég gerði áður fyrr. Ég er þreyttur á að verða mér til skammar fyrir framan adáendur mína,“ sagði Daly eftir mótið.

Hann er aðeins fjörutíu og þriggja ára gamall. Hann hefur unnið tvö risamót á ferli sínum og nítján mót á bandarísku mótaröðinni. Daly hefur ávallt notið mikillar hylli golfáhugamanna fyrir litríka framkomu. Hann hefur þó glímt við drykkjuvandamál í gegnum árin og verið fremur óstýrlátur. Engu að síður kveðja áhangendur íþróttarinnar Daly með miklum söknuði.