Ensku liðin Manchester United og Arsenal unnu bæði auðvelda sigra á mótherjum sínum í meistaradeildinni í kvöld. Evrópumeistarar Manchester United unnu danska liðið AAB í Álaborg, 3-0, þar sem Dimitar Berbatov komst á blað en hann skoraði tvö mörk. Arsenal burstaði Porto, 4-0, á heimavelli.

Manchester United missti Paul Scholes og Wayne Rooney af velli meidda. Scholes fékk mikið högg á hnéð og var borinn af velli en Rooney tölti sjálfur inn í klefa.

Á Emirates-leikvanginum sáu Robin van Persie og Emmanuel Adebayor um Porto með sitthvorri tvennunni fyrir Arsenal. Bæði Arsenal og United gerðu jafntefli í fyrstu leikjum sínum en eru nú komin á toppinn í sínum riðlum.

Óvæntustu úrslit kvöldsins mátti finna í Hvíta-Rússlandi. Þar náðu Valsbanarnir í BATE Borisov jafntefli gegn Juventus, 2-2, en BATE komst 2-0 yfir.

Úrslit kvöldins:

E riðill
Álaborg - Man. United 0–3
0-1 Wayne Rooney (22.),
0-2 Dimitar Berbatov (55.),
0-3 Dimitar Berbatov (79.).

Villareal - Celtic 1–0
1-0 Marcos Senna (67.).

F riðill
Bayern Munchen - Lyon 1–1
0-1 Martin Demichelis (25, sjálfsmark.),
1-1 Ze Roberto (52.).

Fiorentina - Steaua Búkarest 0–0

G riðill
Arsenal - Porto 4–0
1-0 Robin Van Persie (31.),
2-0 Emmanuel Adebayor (40.),
3-0 Robin Van Persie (48.),
4-0 Emmanuel Adebayor (71, víti.).

Fenerbache - Dynamo Kiev 0–0

H riðill
Zenit St. Pétursborg - Real Madrid 1–2
0-1 Tomas Hubocan (4, sjálfsmark.),
1-1 Danny (25.),
1-2 Ruud Van Nistelrooy (31.).

BATE Borisov - Juventus 2–2
1-0 Sergey Krivets (17.),
2-0 Igor Stasevich (23.),
2-1 Vincenzo Iaquinta (29.),
2-2 Vincenzo Iaquinta (45.).