Búlgarski sóknarmaðurinn Dimitar Berbatov, sem Manchester United keypti fyrir ríflega 30 milljónir punda, hefur litlar áhyggjur af markaþurrðinni sem þjakar hann við upphaf ferils hans hjá Englandsmeisturunum.

Berbatov tókst ekki að skora um helgina í 2-0 sigri Manchester United á Bolton.

„Mig langaði mikið að skora. Stigin þrjú sem liðið fékk eru samt mikilvægari og leikur okkar var góður. Við vorum betra liðið og áttum sigurinn skilinn. Ég fékk tækifæri til að skora í leiknum gegn Bolton og ég mun skora í næstu leikjum,“ segir Berbatov.