Ronaldinho er tilbúinn í slaginn fyrir leik A.C Milan og Inter sem fram fer á San Siro í kvöld. Inter er á toppi deildarinnar sem stendur en tapi A.C Milan í kvöld nær Inter sjö stiga forystu. Inter er með tíu stig en A.C. Milan með sex.

„Á Spáni er spiluð allt önnur knattspyrna en ég held að ég verði fljótur að aðlagast ítölsku knattspyrnunni. Stuðningsmennirnir hafa sýnt mér stuðning og ég get ekki beðið eftir að skora fyrsta markið. Þegar það kemur verður það tileinkað öllum þeim sem sýnt hafa mér stuðning. Ég er tilbúinn í slaginn og fæ vonandi að spila,“ segir Ronaldino.