Brasilíski snillingurinn Robinho hjá Manchester City er búinn að sparka umboðsmanni sínum, Wágner Ribeiro. Leiðir þeirra Robinho og Ribeiro lágu saman fyrir sex árum og á hann einna stærstan þátt í því að Robinho er nú einn launahæsti knattspyrnumaður heims.

„Ég er þakklátur fyrir allt sem Wágner Ribeiro hefur gert fyrir feril minn. Nú er samstarfið hinsvegar á enda og kominn tími til að við förum í sitt hvora áttina og ég á mér ný markmið með Manchester City,“ sagði Robinho í tilkynningu sem hann sendi frá sér.

Samstarf Ribeiro og Robinho hófst árið 2002 þegar Robinho var enn táningur hjá uppeldisliði sínu Santos í Brasilíu. Ribeiro náði að kreista í gegn félagaskipti hans til Real Madrid árið 2005 og svo aftur þegar hann fór til Manchester City. Faðir Robinho mun nú sjá um öll hans viðskipti.