Íslendingaliðið Stabæk komst í gærkvöld í úrslitaleik norsku bikarkeppninnar þegar liðið lagði Molde auðveldlega, 3-0, í undanúrslitum. Landsliðsmennirnir Veigar Páll Gunnarsson og Pálmi Rafn Pálmason komu báðir við sögu í leiknum.

Veigar var í byrjunarliðinu að vanda og Pálmi kom inn á undir lok leiksins. Í úrslitum gætu okkar menn mætt öðrum Íslendingi, Árna Gauti Arasyni, sem leikur með Odd Grenland í undanúrslitum gegn Vålerenga.