Alþjóða akstursíþróttsambandið hefur hafnað áfrýjun McLaren gegn 25 sekúndna víti sem Lewis Hamilton fékk á sig í Belgíukappakstrinum. McLaren hafði vonast til þess að fá vítinu hnekkt og þannig farið inn í næstu keppni með sjö stiga forystu.

Hamilton vann á Spa-brautinni í Belgíu en féll niður í þriðja sætið vegna vítisins. Hann hefur samt sem áður forystu í stigakeppni ökumanna sem er þó ekki nema eitt stig. Í öðru sæti kemur Brasilíumaðurinn Felipe Massa á Ferrari.

Mikið gæti breyst í stigakeppninni í næstu keppni. Þá halda liðin til Singapúr á nýja braut þar sem keyrt verður að næturlagi, í flóðljósum.