Íslenska landsliðið í körfubolta tapaði sínum öðrum leik í röð í B-deild Evrópukeppninnar í gærkvöldi gegn Svartfjallalandi, 80-66. Svartfjallaland leikur nú í fyrsta skipti sem sjálfstæð þjóð og hefur ekkert að gera í B-deildina. Fyrri hálfleikurinn hjá íslenska liðinu fór alveg með leikinn þar sem gestirnir leiddu með 23 stigum. Seinni hálfleikurinn var mun skárri og það verða strákarnir að taka með sér í næsta leik gegn Austurríki á laugardaginn.