Það varð hlutskipti KR að reka smiðshöggið og senda ÍA niður um deild. Liðin gerðu markalaust jafntefli á Skipaskaga í kvöld í tilþrifalitlum leik.

Alls fjórir leikir fóru fram í Landsbankadeildinni í kvöld.

HK misstu af gullnu tækifæri til að laga skuggalega stöðu sína í deildinni með því að bíða lægri hlut á heimavelli gegn baráttuglöðum Grindvíkingum. Fátt virðist nú koma í veg fyrir að HK fylgi Skagamönnum í 1.deild.

Þróttarar töpuðu fyrir Val en fögnuðu um leið áframhaldandi veru í efstu deild þar sem Fylkir og HK töpuðu sínum leikjum.

Úrslit og markaskorarar kvöldsins:

ÍA 0 - 0 KR

HK 0-2 Grindavík

0-1 Aljosa Gluhovic '10
0-2 Gilles Mbang Ondo '30

Valur 2- 0 Þróttur

1-0 Guðmundur Steinn Hafsteinsson '47
2-0 Helgi Sigurðsson '51

Fylkir 0-3 Fjölnir

0-1 Davíð Þór Rúnarsson '12
0-2 Pétur Georg Markan '20
0-3 Davíð Þór Rúnarsson '90