David Moyes, knattspyrnustjóri Everton, hefur verið ákærður af enska knattspyrnusambandinu fyrir óíþróttamannslega hegðun sína á hliðarlínunni gegn Stoke um helgina. Þar var Moyes sendur upp í stúku fyrir að rífast í dómaranum.

Moeys brjálaðist þegar Everton fékk ekki dæmda augljósa vítaspyrnu sem endaði með því að dómarinn, Alan Wiley, sem benti upphaflega á vítapunktinn áður en hann færði brotið út fyrir teiginn, sendi Moyes upp í stúku.

Moyes fær til 2. október til að svar ákærunni en hann hefur nú þegar gefið það út að hann sagði blótaði ekki að dómaranum.

„Ef ég hefði haft rangt fyrir mér myndi ég biðja dómarann afsökunar. Þess vegna býst ég við því sama ef dómarinn viðurkennir að hann hefur rangt fyrir sér,“ segir Moyes sem á yfir höfði sér bann verði hann dæmdur sekur.