Guðni Rúnar Helgason er genginn til liðs við 1. deildarlið Stjörnunnar í Garðabæ. Hann gerði starfslokasamning við Fylki fyrr í mánuðinum.

Guðni hafði leikið átta leiki með Fylki á tímabilinu en var dottinn út úr liðinu hjá Leifi Garðarssyni í Árbænum. Hann hefur leikið með ÍBV, Völsungi, Val og Fylki hér á landi en hann er nýorðinn 32 ára gamall.

Stjarnan er í harðri baráttu um að komast upp í úrvalsdeildina en félagið er sem stendur þremur stigum frá 2. sætinu í 1. deildinni.