Carlo Ancelotti þjálfari AC Milan hefur staðfest endanlega að framherjinn Andriy Shevchenko muni ekki snúa aftur til liðsins frá Chelsea en talið var að Ítalarnir vildu fá hann aftur á San Siro.

Eftir að Marco Borriello meiddist á hné um helgina og verður frá í allvega tvo mánuði urði raddir um endurkomu Scheva til AC Milan enn háværari.

Nú hefur Ancelotti aftur á móti sagt Úkraínumanninn ekki vera á leiðinni til liðsins og breidd liðsins sé nægileg til að ráða fram úr meiðslavandræðum Milan-manna.

,,Borriello verður ekki það lengi frá þannig við munum bíða eftir honum. Schevchenko verður hjá Chelsea á næsta tímabili," segir Ancelotti.