Cesc Fabregas miðjumaður Arsenal vill að William Gallas haldi fyrirliðabandinu hjá félaginu en sér sjálfan sig bera það í framtíðinni.

Arsene Wenger á enn eftir að tilkynna fyrirliðann fyrir næstu leiktíð en mikil óvissa hefur ríkt um framtíð Gallasar sem fyrirliða. Það fór ekki vel í leikmenn liðsins á síðustu leiktíð þegar hann reifst og skammaðist yfir mistökum Gaels Clischy í leik gegn Birmingham og enn verr var á það litið þegar hann ætlaði að ganga af leikvelli í sömu andrá.

„Gallas er frábær fyrirliði en ég hef sýnt að ég geti sýnt þessa ábyrgð líka,“ segir Fabregas.