Ítalski framherjinn Bernado Corradi er genginn í raðir Reggina á Ítalíu frá Manchester City. Hann verður því liðsfélagi Emils Hallfreðssonar landsliðsmanns sem leikur með liðinu.

Corradi gekk til liðs við Manchester City 2006 frá Valencia en tókst aðeins að skora eitt mark í 29 leikjum. Hann var á láni hjá Parma á síðasta tímabili. Corradi gekk aðeins betur hjá Parma og skoraði 5 mörk í 15 leikjum.

Hann var orðinn fyrirliði Parma en fer nú frítt til Reggina þar sem City sagði upp samningi hans.