Tiffany Roberson sem lék með Grindavík á síðasta tímabili í Iceland Express-deild kvenna verður aftur með liðinu í ár. Joanna Skiba verður aftur á móti ekki með liðinu á næsta tímabili

Þetta kemur fram á Karfan.is enTiffany var einn besti leikmaður deildarinnar og leiddi liðið til bikarmeistaratitils á síðasta tímabili. Hún skoraði 25,7 stig að meðaltali í leik.

,,Við gerum ráð fyrir því að Tiffany komi til okkar í byrjun september og við ætlum okkur að vera með einn erlendan leikmann á næstu leiktíð. Við ætlum að leyfa ungu stelpunum að spila meira og gefa þeim tækifæri til að sýna hvað í þeim býr,” segir Pétur Rúrik Guðmundsson þjálfari Grindavíkur við Karfan.is