Í síðasta mánuði heimtaði Didier Drogba, hinn órólegi framherji Chelsea, að fá að fara og leika fyrir Fílabeinsströndina á Ólympíuleikunum í Peking og sagði það vera mikinn heiður fyrir sig að spila fyrir þjóð sína.

Hann endurskoðar kannski afstöðu sína í dag eftir að myndir frá upphitunarleik Suður Kóreu og Fílabeinsstrandarinnar fóru að birtast á netinu.

Fílabeinsstrendingar töpuðu leiknum 2-1 þar sem markvörðu Suður Kóreu, Jung Sung-Ryong, tókst að opna markareikning sinn með því að skora úr útsparki rétt fyrir utan eigin vítateig.

Þar sem sögur af mikilli mengun og litlu skyggni streyma daglega frá fréttariturum í Peking getum við kannski búist við fleiri atvikum sem þessum á Ólympíuleikunum í næsta mánuði.