Magni Fannberg er hættur þjálfun Fjarðabyggðar. Hann tók við liðinu fyrir tímabilið en gengið hefur ekki verið gott. Fjarðabyggð lagði Hauka, 4-2, á sunnudaginn en það var fyrsti sigurleikur liðsins í átta leikjum í 1. deildinni.

Líklegt þykir að David Hannah sem nýverið var ráðinn aðstoðarþjálfari Fjarðabyggðar taki við starfi Magna. Hann mun að öllum líkindum stýra liðinu gegn Njarðvík í 1. deildinni annað kvöld.

Fjarðabyggð er sem stendur í 8. sæti með 15 stig eftir þrettán umferðir.