Þréttándu umferð Landsbankadeildar karla lýkur í kvöld með einum leik. KR og Fjölnir mætast í lokaleik umferðarinnar í Frostaskjóli klukkan 20.00.

Liðin mættust síðast í 2. umferð og þá hafði Fjölnir sigur á dramatískan hátt í Grafarvoginum. KR komst yfir í leiknum en Fjölnismenn jöfnuðu og skoruðu svo sigurmarkið úr vítaspyrnu í uppbótartíma.

Vesturbæingar vilja eflaust hefna fyrir þær ófarir en tapi þeir í kvöld sitja þeir eftir í toppbaráttunni. Fjölnismenn geta með sigri komið sér aftur upp að toppliðunum. KR hefur 18 stig fyrir leikinn í kvöld en Fjölnir 21.