Jóhann Árni Ólafsson leikmaður Njarðvíkur í körfubolta hefur samið við þýska liðið Proveo Merlins og mun leika með þeim á næstu leiktíð.

Þetta kemur fram á karfan.is og segir Jóhann þar langþráðan atvinnumannadraum sinn vera að rætast. Logi Gunnarsson úr Njarðvík hefur leikið gegn Merlins á sínum tíma í Þýskalandi. Félagið leikur í Pro B deildinni sem er þriðja efsta deild Þýskalands.

,,Ég gerði eins árs samning við félagið og lít á þetta sem stökkpall í eitthvað stærra og meira. Ég og umboðsmaður minn ræddum það að ég færi fyrst í lið þar sem ég fengi tækifæri til þess að sanna mig,” segir Jóhann á karfan.is