Íslenska landsliðið í knattspyrnu skipað leikmönnum U17 ára og yngri keppir nú á Norðurlandamótinu í knattspyrnu en fleiri Íslendingar eru þar í sviðsljósinu.

Landsbankadeildardómarinn Þóroddur Hjaltalín úr Þór dæmir á mótinu og með honum er B-aðstoðardómarinn Gylfi Már Sigurðsson sem flaggar fyrir Njarðvík.

Þóroddur dæmir nú sitt fyrsta tímabil í efstu deild og hefur þótt standa sig vel. Hann fékk ærið verkefni um daginn þegar hann dæmdi nágrannaslag Breiðabliks og HK í Landsbankadeildinni og komst einkar vel frá þeim leik.