„Mér fannst mörkin sem Blikarnir skoruðu billeg,“ sagði Gunnar Oddsson þjálfari Þróttar við DV eftir 2-2 jafntefli Þróttar og Breiðabliks í gær.

„Við spiluðum ágætis vörn og spiluðum okkar taktík, settum pressu á mann með boltann og klipptum á framherja þeirra eins og sást því þeir gerðu ekki rassgat í leiknum,“ sagði Gunnar Oddsson þjálfari Þróttar við DV eftir leikinn í gær.

Honum finnst sínir menn á góðu róli í deildinni. „Við erum búnir að spila ágætlega yfir allt mótið. Nú fer hins vegar að reyna á breiddina þegar bönnin fara að detta inn og ég tel okkur hafa hana,“ sagði Gunnar sem var tiltölulega sáttur við jafnteflið.

Nánar er fjallað um leikinn í DV í dag