Guðmundur Guðmundsson, landsliðsþjálfari í handbolta, hefur valið 15 manna hóp sem fer á Ólympíuleikana í Peking. Æfingahópurinn státaði af 19 leikmönnum og voru því fjórir skildi eftir. Birkir Ívar Guðmundsson er ekki í hópnum

Þeir Rúnar Kárason, Vignir Svavarsson, Hannes Jón Jónsson og markvörðurinn Birkir Ívar Guðmundsson voru skildir eftir af 19 manna hópnum. Birkir þurfti að horfa upp á Björgvin Pál og Hreiðar Levy eiga stórleiki hér heima í æfingarleikjum gegn Spáni og eins stóðu þeir sig vel á æfingarmótinu í Strassborg.

Bjarni Fritzson er 15. maður inn og verður til taks ef einhver meiðist.

Hópurinn

Markverðir:
Björgvin Gústavsson, Fram
Hreiðar Guðmundsson, Sävehof

Aðrir leikmenn:
Logi Geirsson, Lemgo
Sigfús Sigurðsson, Valur
Ásgeir Örn Hallgrímsson, GOG
Arnór Atlason, FC Köbenhavn
Guðjón Valur Sigurðsson, Kronau
Snorri Steinn Guðjónsson, GOG
Ólafur Stefánsson, Ciudad Real
Sturla Ásgeirsson, Aarhus
Alexander Petersson, Flensborg
Sverre jakobsson, HK
Róbert Gunnarsson, Gummersbach
Ingimundur Ingimundarson, Minden
Bjarni Fritzson, St. Raphael