Brasilíski sóknarmaðurinn Robinho vill yfirgefa Real Madrid til þess að ganga til liðs við Chelsea.

Þessu lýsti kappinn yfir eftir að í ljós kom að Real hafnaði tilboði enska úrvalsdeildarliðsins í kappann. Robinho hefur einnig verið orðaður við Barcelona en honum finnst hann vanmetinn hluti af leikmannahópnum.

Ólíklegt þykir að hann muni fara til Katalóníurisanna og því mun Chelsea þykja líklegur áfangastaður fyrir leikmanninn snjalla en þar á bæ hefur áþreifanlega þótt vanta meiri sköpunargleði í sóknarleiknum.