Knattspyrnugoðið Pele óttast að skap Wayne Rooney komi í veg fyrir að hann þroskist sem knattspyrnumaður. Rooney var gagnrýndur fyrir að missa stjórn á skapi sínu í leik Manchester United við Kaizer Chiefs í æfingaleik á laugardag. „Mér líkar við Wayne Rooney en hann hefur ekki náð að standa undir frammistöðunni í Evrópukeppninni árið 2004. Hann var góður í tvö til þrjú ár en missti síðan svolítið af því sem hann gat. Ég veit ekki af hverju. Þegar hann berst við andstæðinginn þarf hann að læra að verja sig en ekki ráðast á andstæðinginn,“ segir Pele.