Mikel Arteta, leikmaður Everton, er vongóður um að meiðslamartröð hans sé lokið en hann missti af stórum hluta af síðustu leiktíð sökum nárameiðsla.

Spánverjinn lék afar vel með Everton á þar síðustu leiktíð og hann er vongóður um að hann nái aftur sömu hæðum í leik sínum og þá á komandi leiktíð. Arteta kom inn á sem varamaður í æfingaleik með Everton gegn Cambridge í vikunni.

„Mig langaði að spila í 15 eða 20 mínútur. Ég gerði það og fann ekki fyrir neinu svo það eru góðar fréttir,“ segir Arteta. „Ég er tveimur vikum á undan áætlun en ég veit að ég þarf að fara rólega til þess að leyfa líkamanum að jafna sig,“ segir Arteta.