Þau Usian Bolt frá Jamaíka og Jelena Isinbayeva frá Rússlandi þykja einna líklegust til að hreppa útnefningu Alþjóðafrjálsíþróttasambandsins sem frjálsíþróttamaður og -kona ársins sem tilkynnt verður 23. nóvember. Usian Bolt sló í gegn á Ólympíuleikunum í Peking og vann þar bæði 100 og 200 metra hlaupin á nýju heimsmeti. Jelena Isinbayeva frá Rússlandi hafði ótrúlega yfirburði í stangarstökki á árinu.

Eina keppnin hennar hefur verið í raun að bæta eigin heimsmet. Hún tryggði sér sigur í Peking í aðeins 3 stökkum og jú, setti svo enn eitt heimsmetið.

Tilnefndir karlar eru Kenenisa Bekele, Eþíópíu, Dayron Robles, Kúbu, og Usian Bolt.
Í kvennaflokki eru fyrir utan Isinbayevu þær Pamela Jelimo, Keníu, og Tirunesh Dibaba frá Eþíópíu tilnefndar.