„Mér leið alveg frábærlega. Það var yndislegt að skora og fá sigurleik fyrir framan fullt hús,“ sagði nýliðinn Aron Pálmarsson sem skoraði tvö mörk í sínum fyrsta landsleik gegn Belgíu í Laugardalshöllinni í gærkvöldi.

„Það var bara stimplað vel fyrir mig og ég kláraði færið vel,“ sagði Aron um fyrsta landsliðsmarkið.
Aron fékk um hálftíma í leiknum. „Ég átti kannski ekki beint von á því að fá svona langan tíma en það er ánægjulegt að þjálfararnir hafi trú á manni,“ sagði Aron.