„Varnarleikurinn var frábær í fyrri hálfleik og sóknarleikurinn ekki mikið vandamál.“ sagði Guðmundur Guðmundsson, landsliðsþjálfari, við DV eftir 40-21 sigurleikinn á Belgum í undankeppni Evrópumótsins í handknattleik í kvöld.

Ísland leiddi í hálfleik, 19-9, og keyrðu íslensku strákarnir yfir Belgana við hvert tækifæri. „Mér fannst karakter hjá okkur að koma af krafti inn í leikinn og vanmeta þá ekkert. Það var ekkert kjaftæði í gangi,“ sagði Guðmundur sem var þó ekki mjög ánægður með varnarleikinn í seinni hálfleik.

„Varnarleikurinn datt of langt niður í síðari hálfleik og það er eitthvað sem við þurfum að skoða,“ sagði Guðmundur.

Nánar er farið yfir leikinn og rætt við Guðmund í DV á morgun