„Við byrjuðum að gefa miðana á landsleikinn klukkan níu í morgun og það var biðröð eftir þeim,“ segir Guðrún Gísladóttir, stöðvarstjóri N1 á Ártúnshöfða, ein af þremur þjónustöðvum N1 sem er að gefa ókeypis miða á landsleik Íslands og Belga í Laugardalshöllinni í kvöld. „Það er eitthvað eftir af miðum til ennþá en lítið,“ segir Guðrún.

Miðar á leikinn í kvöld eru gefnir í N1 á Ártúnshöfða, Fossvogi og við Hringbraut ásamt útibúum Kaupþings í Kringlunni, Suðurlandsbraut og á Hlemmi.

Miðarnir verða gefnir til klukkan 16 í dag.

Leikur Íslands og Belgíu hefst klukkan 20:15 í Laugardalshöllinni en það er fyrsti leikur Íslands í undankeppni Evrópumótsins.