Guðmundur Guðmundsson, landsliðsþjálfari, hefur skorið átján manna hóp sinn niður í fjórtán fyrir leikinn gegn Belgíu í undankeppni EM í kvöld en aðeins mega fjórtán leikmennmenn vera á skýrslu. Það eru þeir Hannes Jón Jónsson, Rúnar Kárason, Kári Kristján Kristjánsson og Sturla Ásgeirsson sem horfa á leikinn úr áhorfendastæðunum að þessu sinni.

Það þýðir að eini nýliðinn í hópnum, Aron Pálmarsson, er í liðinu og fær væntanlega tækifæri í kvöld. Þá munu Einar Hólmgeirsson og Ásgeir Örn Hallgrímsson skipta á milli sín skyttustöðunni hægra meginn en á hægri vænginn vantar Ólaf Stefánsson, Alexander Petterson og Bjarna Fritzson.

Hópurinn í kvöld:
Arnór Atlason, FCK
Aron Pálmason, FH
Ásgeir Örn Hallgrímsson, GOG
Björgvin Gústavsson, Bittenfeld
Einar Hólmgeirsson, Grosswallstadt
Guðjón Valur Sigurðsson, Rhein-Neckar Löwen
Hreiðar Guðmundsson, Sävehof
Ingimundur Ingimundarson, Minden
Logi Geirsson, Lemgo
Ragnar Óskarsson, Dunkurque
Róbert Gunnarsson, Gummersbach
Sverre Jakobsson, HK
Vignir Svavarsson, Lemgo
Þórir Ólafsson, Lübbecke