Robin lenti í ribböldum

Robin Chard varð á vegi óvandaðra kumpána – Fannst í morgunsárið

Komst ekki lifandi heim af knæpunni.
Robin Chard Komst ekki lifandi heim af knæpunni.

Maður getur ráðið allmörgu um þær vendingar sem tilveran tekur, en ótal margt er þó háð tilviljunum og duttlungum forsjónarinnar. Sú varð raunin hjá Bretanum Robin Chard, 47 ára fjölskylduföður frá Heworth í Gateshead.

Þann 23. apríl, 2004, hafði Robin gert sér glaðan dag á knæpu í Newcastle en þegar hann hafði ekki skilað sér heim klukkan 1.20 varð eiginkona hans áhyggjufull. Þegar hún hringdi í farsíma Robins heyrði hún ókunnuga rödd: „Þú hefur hringt í rangt númer.“ Síðan var lagt á og eftir það var ekki hægt að ná sambandi við símann.

Finnst skammt frá heimili sínu

Eftir að hafa haft samband við lögregluna hafði eiginkona Robins samband við ættingja og vini og hafin var leit að honum.

Klukkan átta að morgni þess 24. apríl fann nágranni Chard-hjónanna illa leikið lík Robins í tæplega 400 metra fjarlægð frá heimili hjónanna. Síðar kom í ljós að á leið sinni frá lestarstöðinni í Heworth hafði Robin orðið á vegi tveggja útúrdópaðra ódáma sem gerðu sér að leik að myrða hann, að því er virðist vegna þess eins að hann var snyrtilega til fara.

Óteljandi högg og spörk

Það var Christopher sem lagði fyrst til atlögu við grunlausan fjölskylduföðurinn og sló hann aftan frá. Þegar Christopher og Joseph loks létu af höggum og spörkum höfðu þeir brákað höfuðkúpu Robins og brotið í honum 14 rifbein. Að lokum urðu þeir honum að bana með því að þrýsta andliti hans ofan í jörðina þar til hann kafnaði. Síðan höfðu þeir á brott með sér farsíma Robins og 30 sterlingspund sem þeir fundu á honum. Fljótlega varð ljóst að tvímenningarnir, Joseph Mee og Christpher Smith, reiddu ekki vitið í þverpokum því þeir fóru að guma sig af „afrekum“ sínum.

Sungu „Mama, just killed a man“

Það gerðu þeir heima hjá Christopher en þangað fóru þeir í kjölfarið og þar spiluðu þeir Queen-lagið Bohemian Rhapsody og endurtóku í sífellu laglínuna „Mama, just killed a man“ og hlógu hátt og mikið.

Annar þeirra montaði sig af því að hafa svarað símhringingunni frá eiginkonu Robins, og svarað: „Eiginmaður þinn mun ekki koma heim í nótt.“

Viltu lesa meira? Þú getur strax lesið þessa grein og aðrar í heild sinni hér á DV.is með því að ýta á „Sjá meira“ og nýta þér hagstæða áskriftartilboð frá aðeins 928 kr. á mánuði.
Sjá meira »
Gleymt lykilorð?
Auglýsing

Athugasemdir

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.