Mary Beth Tinning, frá Schenectady í New York-fylki í Bandaríkjunum, fékk 20 ára dóm árið 1987. Þá hafði hún verið sakfelld fyrir að myrða eitt barna sinna, þriggja og hálfs mánaða dóttur, árið 1985. Mary Beth viðurkenndi einnig að hafa banað tveimur sona sinna.
Ekki er talið loku fyrir það skotið að Mary Beth hafi myrt öll sín börn, átta talsins, en ekkert þeirra náði fimm ára aldri. Ástæða voðaverkanna var sú að Mary Beth vildi öðlast samúð annarra.