Þann 26. júlí, 2003, upphófst rifrildi franska tónlistarmannsins Bertrands Cantat og kærustu hans, Marie Trintignant, á hótelherbergi í Vilníus, höfuðborg Litháen. Rifrildið snerist um meinta ótryggð Marie. Bertrand, sem á sínum tíma var stórt nafn í heimi franskrar tónlistar, réðst með hnúum og hnefum á Marie og lét hana síðan liggja meðvitundarlausa í rúminu. Hún andaðist nokkrum dögum síðar vegna bólgu í heila. Bertrand fékk átta ára dóm árið 2004 og síðan reynslulausn í október 2007.