Sérðu eitthvað athugavert við þessa mynd?

Hér má sjá mynd af konunum sex.
Úpps! Hér má sjá mynd af konunum sex.

Gestir í brúðkaupi einu í Sydney í Ástralíu höfðu ástæðu til að hlæja á dögunum. Eins og myndin ber með sér mættu hvorki fleiri né færri en sex vinkonur brúðhjónanna í eins kjólum.

„Við erum EKKI brúðarmeyjar, bara gestir,“ sagði ein þeirra, Debbie Sperenza, á Facebook-síðu Forever New þar sem kjólarnir voru keyptir. Debbie segir að hún hafi verið undrandi þegar hún hitti frænku sína í brúðkaupinu og sá að hún var í eins kjól. Síðan hafi þær rekist á fleiri og fleiri gesti í eins kjól.

Óhætt er að segja að þetta hafi vakið kátínu margra en færslu Debbie hefur verið deilt rúmlega 1.200 sinnum. Debbie segir að um hreint ótrúlega tilviljun hafi verið að ræða og ekki hafi verið um samantekin ráð að ræða. „Ég þekki bara eina af þeim,“ segir hún.
Konunum sex hefur verið boðið í vinsælan morgunþátt í Ástralíu til að ræða uppákomuna.

Athugasemdir

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.