Vilt þú skeina þig með Twitter-tístunum hans Trumps?

Kominn er á markaðinn í Bandaríkjunum afar óvenjulegur salernispappír en á annarri hliðinni á rúllunum gefur að líta tíst sem Donald Trump Bandaríkjaforseti hefur skrifað í gríð og erg á Twitter undanfarin ár.
Klósettpappírinn er til sölu Amazon og er nokkuð dýr en rúllan kostar tæplega 12 dolllara, jafnvirði um 1.250 íslenskra króna.

Trump hefur verið duglegur að skrifa á Twitter undanfarin ár og því er af nægu að taka. Sumir þeirra sem þegar hafa keypt vöruna hafa skrifað umsagnir um hana á Amazon-vefinn og lýst yfir ánægju sinni með pappírinn.

Þess má geta að Trump hefur skrifað með neikvæðum hætti um Amazon-fyrirtækið á Twitter. Meðal annars sakaði hann forstjóra fyrirtækisins Jeff Bezos um að hafa dreift fölskum fréttum er hann var eigandi Washington Post. Þá ýjaði hann að því að Amazon kæmi sér undan því að borga skatta.

Athugasemdir

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.