Paradísin sem varð að martröð

Kupari var lúxusstaður fyrir ferðamenn í Júgóslavíu - Svo braust stríðið út

Þó svo að gömlu byggingarnar í Kupari séu í niðurníðslu heimsækir fjöldi fólks strendurnar, enda af mörgum taldar þær bestu í Króatíu.
Fallegur staður Þó svo að gömlu byggingarnar í Kupari séu í niðurníðslu heimsækir fjöldi fólks strendurnar, enda af mörgum taldar þær bestu í Króatíu.
Mynd:

Kupari-ferðamannastaðurinn í suðurhluta Króatíu hafði allt sem ferðamenn gat dreymt um; fallegar strendur, glæsileg hótel búin öllum helstu þægindum og frábært veður yfir sumartímann. Í dag er Kupari rústir einar og hefur þessi lúxushótelaþyrping verið í niðurníðslu síðastliðin tuttugu ár.

Kupari var einn glæsilegasti ferðamannastaður Júgóslavíu, en hann var tekinn í notkun á seinni hluta liðinnar aldar. Engu var til sparað við framkvæmdir sem enduðu á að kosta yfirvöld í Júgóslavíu tugi milljarða króna á núverandi gengi. Tilgangurinn með uppbyggingu ferðamannastaðarins var að hýsa júgóslavneska hermenn – þá efnameiri – og fjölskyldur þeirra yfir sumartímann.

Þessi mynd var tekin árið 1984. Nokkrum árum síðar braust út stríð í Júgóslavíu og hefur Kupari ekki verið svipur hjá sjón síðan.
Af sem áður var Þessi mynd var tekin árið 1984. Nokkrum árum síðar braust út stríð í Júgóslavíu og hefur Kupari ekki verið svipur hjá sjón síðan.

Hlutirnir breyttust til hins verra árið 1991 þegar stríð braust út í Júgóslavíu. Slobodan Milosevic, sem komst í forsetastólinn í Júgóslavíu árið 1989, vildi auka yfirráð Serba í ýmsum héruðum og fylkjum landsins. Í stuttu máli fór þetta illa í önnur slavnesk þjóðarbrot sem byggðu Júgóslavíu, þar á meðal Króatíu og Slóveníu, sem lýstu yfir sjálfstæði sínu árið 1991. Stríð braust út í Króatíu og náðu Júgóslavar meðal annars Kupari á sitt vald. Miklar skemmdir urðu á hótelbyggingum á svæðinu og þegar stríðinu lauk var Kupari ekki svipur hjá sjón. Ekki nóg með að byggingar höfðu skemmst heldur höfðu þjófar stolið öllu steini léttara. Þessi paradís hafði á aðeins nokkrum árum breyst í minnisvarða um stríðið.

Yfirvöld í Króatíu vilja byggja ferðaþjónustuna í Kupari upp að nýju. Leitað er að fjárfestum til að ganga í verkið.
Byggt upp aftur Yfirvöld í Króatíu vilja byggja ferðaþjónustuna í Kupari upp að nýju. Leitað er að fjárfestum til að ganga í verkið.

Blikur eru á lofti og ekki loku fyrir það skotið að Kupari verði aftur paradís fyrir ferðamenn. Ferðamálayfirvöld í Króatíu vonast til að áhugasamir fjárfestar muni byggja staðinn upp að nýju. Í ársbyrjun 2014 auglýstu yfirvöld eftir fjárfestum og lýstu sex aðilar yfir áhuga sínum á verkinu. Í apríl síðastliðnum var svo ákveðið að óska eftir bindandi tilboðum í uppbyggingu staðarins. Mun sá fjárfestir sem verður valinn hafa fjögur ár til að ljúka verkinu. Óljóst er á þessari stundu hvenær vinna við uppbyggingu Kupari hefst.

Hótelin í Kupari voru sannkallaður draumur fyrir ferðamenn. Flestir þeirra sem dvöldu í Kupari voru yfirmenn í júgóslavneska hernum.
Fallegt útsýni Hótelin í Kupari voru sannkallaður draumur fyrir ferðamenn. Flestir þeirra sem dvöldu í Kupari voru yfirmenn í júgóslavneska hernum.

Viltu lesa meira? Þú getur strax lesið þessa grein og aðrar í heild sinni hér á DV.is með því að ýta á „Sjá meira“ og nýta þér hagstæða áskriftartilboð frá aðeins 928 kr. á mánuði.
Sjá meira »
Gleymt lykilorð?
Auglýsing

Athugasemdir

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.